زوادة اليوم 25 أيار 2021


25 May
25May

لكل يوم زوّادة:

في متل قديم بيقول الوعاء الفاضي هوّي اللي اكتر شي بيعمل ضجّة! شو بيتطبّق هالمتل عا كتير ناس...الإنسان اللي حجتو ضعيفة بيتخبّى ورا الصوت العالي و الصريخ.

 الإنسان اللي بلا مضمون هوّي اللي بيحكي كتير تا يعبّي فراغ مضمونو. الإنسان اللي بيحكي كتير عن حالو و شو ما عمل بيصوّر العمل اكبر بكتير من ما هوّي و عندو طريقة وحدة تا يفرجي نجاحو، بيضوّي عا اغلاط غيرو و بيحكي عنّن. 

هالناس بيكونو عم يفتشو عا انتباه لأنّو حياتن فاضية، بيعبّوها بمراقبة و "تقييم" غيرن...كتر الضجّة منّو إلّا دليل انّو الوعاء فاضي لأنّو كل ما كان مليان ما بقا بينسمعلو صوت! ما تكونو أوعية فاضية، مَلّو قلوبكن من روح الرب و حكمتو و عيشو حسب تعاليمو، و كل مرّة بتجرّب انانيّتنا تعمل ضجّة، تَعو  نتذكّر انّو يسوع قلنا: "مَنْ أَرَادَ أَنْ يَكُونَ فِيكُمْ عَظِيمًا فَلْيَكُنْ لَكُمْ خَادِمًا"



#Saintcharbel22 

#شربل سكران بألله 

تعليقات
* لن يتم نشر هذا البريد الإلكتروني على الموقع.