12 Mar
12Mar

لكل يوم زوّادة:

بيخبرو عن ولدَين كانو عم يتغدّو و صارو يلعبو بالصّحون و الكبّايات وقعِت كبّاية و انكسرِت. حتّى ما يَعرفو اهلُن جمَّعو القزاز و خبّوهن بخزانة و نِسيو الموضوع. بعد فترة عم يِلعبو غمّيضة و فات واحد منّن تخبّى بالخزانة و جرَح حالو بالقزاز! 

الزوّادة اليوم بتقلّنا انّو قدّ ما كانت الحقيقة صعبة لازِم نقولها لأنّها عاطول بتلاقي طريقها و بتبيِّن لو قد ما طوّلِت. ما تخافو من شي و تذكّرو: 

"الشَّاهِدُ الأَمِينُ لَا يَكْذِبُ، وَالشَّاهِدُ الزُّورُ يَنْفُثُ كَذِباً."

أَمْثَالٌ ١٤: ٥

و ما تنسُو انّو كلّ خير بيرجَع لصاحبو و كل شرّ كمان!

انتو اختارو بصفّ مين بدكُن تكونو و شو بدكن يِرجعلكُن و الله معكن.


#شربل سكران بألله 

تعليقات
* لن يتم نشر هذا البريد الإلكتروني على الموقع.