مش دايمًا!


26 May
26May

مش دايمًا الاعجوبة خلال المرض هي شفاء من المرض.

مش دايمًا الاعجوبة خلال الفقر هي مصاري زيادة أو شغل جديد.

مش دايمًا الاعجوبة خلال المشاكل هي حل هالمشاكل.

يمكن تضلك مريض، وتضلك فقير.

والمشاكل تبقى،ومع هيدا كلو، الاعجوبة تصير.

إزا إنتا ناطر من الله أعجوبة،يمكن الله ناطر الاعجوبة منك إنتا.

 ناطر إنتا تكون أعجوبتو.

ناطر تفرجي رجا وثبات رغم المرض، وسلام فوق كل الألم وفرح رغم الفقر.

نحنا منفكر إنو الاعجوبة هي قرار من الله..لاء.. هي قرار من الله ومنك كمان.

اليوم،ما تطلب من الله شو إنتا بدك بس،سآل الله شو هوي بدو.

ما ترسم طريقك، وتطلب من الله ينفّذ.

طلوب منو يرسم الطريق قبل، وإنتا نفّذ.

أوقات منقول "لتكن مشيئتك"،ولكن للأسف منعمل مشيئتنا.

اليوم،مع كلمة "لتكن مشيئتك".

تعو نفكر شو مشيئتو.

تعو نقرر نعملها. 

وبس يصير هيك.

 بتصير الاعجوبة.



#Saintcharbel22 

#شربل سكران بألله 

تعليقات
* لن يتم نشر هذا البريد الإلكتروني على الموقع.