لكل يوم زوّادة:
١ تشرين الأول عيد قدّيسة الورود تريزيا الطفل يسوع.
بتخبر تريز انّو مرّة هيّي و زغيرة كانوا عم يزوروا ذخائر الصليب المقدّس بروما. بتقول تريز انّو كان في علبة بقلبها قطع من الصليب الحقيقي و شوكتين من الإكليل و مسمار من المسامير المقدّسة. هالعلبة كانت مصنوعة من دهب بس كان فيها فتحات كتير ضيقة. هيّي و تريز عم تتبارك من الذخائر لقيت انّو اصبعها زغير لدرجة بيفوت من فتحة العلبة! ما تردّدت للحظة تستعمل هالميزة و تحط اصبعها بقلبها و تلمس مسمار صليب يسوع! بتكمّل و بتقول كنت جريئة كتير، بس الله بيعرف انّو كانت نيتي منيحة و انّي كنت متل طفل مفكّر انّو كل شي مسموح و بيعتبر انّو كنوز بَيّو كنوز إلو! شفاعتها معكن!
#شربل سكران بألله
