لكل يوم زوّادة:
بيخبرو عن زلمي ختيار كل يوم بيقعد قدّام بيتو يتفرّج عالأحداث بلا ما يحكي و لا كلمة...
شاف شبّ عم يساعد ختيار يحمل كيس تقيل.
شاف بنت عم تصرخ عا امها....
غير حدا كان قال برافو عليه هالشب و عيب تصرّف هالبنت بس الختيار ما قال شي!
سمع مرا عم تقول انّو في فيل طار و غطّ عا سطح بيتها.
سمع زلمي عم يقول انّو بحياتو مش عامل و لا غلطة...
حدا تاني كان قال المرا عم تكذب و انّو الزلمي عم يزيدها ما في حدا ما بيغلط بس الختيار ما قال شي و لا حتّى فكّر بقلبو شي عنّن!
الزوّادة بتقلنا كونوا متل هالختيار ما تحكموا عا حدا لا بالفكر و لا بالقول و لا بالفعل! بزمن الميلاد حِبّوا بعضكن و بس! الله معكن
#شربل سكران بالله
