زوادة اليوم 22 آب 2021


22 Aug
22Aug


بيخبرو عن صبيّة راحت عند اهلها اللي بيتن بمنطقة بعيدة. اجت بدّا تفلّ بتقلها امها اذا مسكرين الطريق بترجعي بتنامي هون. قالتها الصبيّة اكيد، هيّي و ماشية بتسمع الأم عم تقول للبَي: يا ريت تكون الطريق مسكرة...قامت هالصبيّة عملت برمة بالسيارة و رجعت و قالتلن حظّي حلو رح نام هون الطريق مسكرة مع انّو ما كان في شي عالطريق...الأهل اللي بنفس البلد بيشتاقو لولادن هلقدّ و بيعملو اي شي تا يبقو سوا كيف الأهل اللي ولادن بعاد عنّن محيطات و قارّات و بلاد... الغِربة صعبة عالباقي و عالرايح... منصلّي اليوم يا رب عا نيّة كل عيلة فرقتها الظروف، عا نية كل شب و صبيّة اضطرّو يفلّو تا يحقّقو احلام ما كان الها مطرح ببلدن و عا نيّة كل اهل عايشين مع  الصور و بيشمّو ريحة مخدّة باردة...يا رب علّمنا انّو قدّ ما بعدنا نرجع نتلاقى متل وقت مريم و يوسف ضَيّعو يسوع و رجعو التقو بالهيكل عندك...مِنّك يا ربّ منطلب



#شربل سكران بألله 

تعليقات
* لن يتم نشر هذا البريد الإلكتروني على الموقع.