لكل يوم زوّادة:
بيخبرو عن صبي زغير عم يطلب من أهلو لعبة بس بوقتها كانوا الأهل مش قادرين يشتروها. صار يبكي و يصرّخ بدّو اياها... هنّي و ماشيين بيشوفوا ولد تاني عم يبكي و عم يقول لإمّو جوعان! هون الصبي فهم انّو طلبو مش مهم قدّام حاجات غيرو! و قال لأهلو انّو ما بقا بدّو لعبة و طلب يشترو أكل لهيداك الصبي! و هيك صار! ساعدنا يا رب نفهم انّو الإشيا اللي نحنا معتبرينها تحصيل حاصل بحياتنا هيّي حاجة لغيرنا و نعرف نشكرك عا كل شي آمين!
#شربل سكران بألله
