لكل يوم زوّادة:
لمّا التلاميذ قضوا كل الليل بالبحر و ما تصيّدوا شي و اجا يسوع قلّن: «أَلْقُوا شِبَاكَكُمْ لِلصَّيْدِ»."
طيّب ليش يسوع ما قال للسمكات قوموا طلعوا عالشبك؟ متل ما وقّف العاصفة و متل ما عمل كتير اشيا؟ ليش بالتحديد طلب من التلاميذ يكبّوا الشبك؟ مع انّو بالحالتين كانت النتيجة رح تكون نفسها: سمك كتير! يسوع عارف شو رح يصير بس بدّو تلاميذو يكونوا شركاء بالحدث مش يكونوا بس عم يتلقّوا! و نحنا كمان هيك، ربنا بيطلب مِنّا اشيا لأنّو بدّو ايانا نكون شركاء بمشروعو الخلاصي و بكل محطّة بحياتنا! الله معكن!
#شربل سكران بالله
