لكل يوم زوّادة:
في قصّة منقولة بتقول: كان في صبي زغير صلّى ليسوع قلّو: يا يسوع بدّي اوعى بكرا الصبح يكون عندي بيسيكلات جديدة شكرا آمين! وعي تاني يوم ما في بيسيكلات! رجع راح صلّى: يا يسوع يمكن كنت مشغول بس عم ذكرك بالبيسيكلات، شكرا آمين! وعي تاني يوم ما في شي! قرّر هالصبي يستعمل وسيلة ضغط عا يسوع و فات عالبيت حمل صورة لمريم العدرا و راح خبّاها بالجنينة و راح يصلّي مرّة جديدة و قلّو: يا يسوع انا خبّيتلك إمّك، اذا بدّك ترجع تشوفها بتجبلي البيسيكلات! هالقصّة بتضحّك و بتفرجينا براءة الأطفال اللي حتّى هنّي بيعرفوا قدّيش مريم غالية عا قلب يسوع! كرموها عظموها ملّكوها في القلوب
#شربل سكران بالله
