لكل يوم زوّادة:
مريم، الليلة لبنان كلّو عم يحتفل بعيد انتقالك بالنفس و الجسد عالسما. الليلة بتتضوّى الشموع، بترتفع الصلوات، بيعلى صوت الجراس و بتكتر الإحتفالات...
حلوة عجقة العيد! و حلوة مريم!
مريم، اللي اختار يسوع يجي عهالعالم من خلالها و ترافقو بكل خطوة من مشوار الخلاص. يا عدرا، انتي اللي جيتي عا لبنان، اذكري هالأرض و الشعب بصلاتك حتّى ربنا يداويلو جروحو و يشفى و يحميه من كل شر!
بليلة عيدك يا عدرا لازم نقدّملك هدايا...فكّرت كتير و لقيت انّو هالترتيلة بتعبّر عن هديتي الك: امي يا امي اهديكي ذاتي، قلبي و روحي حبّي حياتي! ينعاد عليكن، العدرا ترافقكن و توبها يزنّر بيوتكن و عيالكن!
#شربل سكران بألله
