لكل يوم زوّادة:
بيخبرو انو بِمَصر في دير اسمو دير العدرا بياض. هونيك في ايقونة "يد المعونة" اللّي بتبيِّن فيها العدرا ب٣ ايدين... شو القصّة؟
هالصّورة رسَمها القديس يوحنا الدمشقي لمّا كان محبوس. انحبَس لأنو كان امبراطور روماني منَع رسم الأيقونات و حَرَق اللّي كانوا اصلاً موجودين بس القديس ما التزَم بالقرار و ضلّ يرسُم فحبسوه و حتى بالزنزانة بِقي يرسُم! هالشّي استفزّ الامبراطور و أمَر بقطع ايدو تا يوقّف يرسُم و فعلاً تنفَّذ الحكم. فجأة بتطلَع ايد من الرّسمة و بتشفيه! كرمال هيك كمَّل تحفتو الفنية و رسَم للعدرا ايد تالتة، ايد المعونة اللّي بتساعِد كل محتاج لمساعدة! ايد العدرا مريم تلمُس كل جرح ظاهر و مِخفي بكل واحد منا بعيد السّيدة المبارك... ينعاد عليكن!
#شربل سكران بألله
