لكل يوم زوّادة:
بيخبرو عن بَي سأل ابنو اذا بعطيك شوكولا بتفرح؟ جاوب الصبي كتير! كمّل البَي و قلّو: طيّب اذا عطيت اختك ٢ شوكولا بتزعل؟ قلّو الصبي أكيد . قلّو بيّو انّو ما لازم يغار و قلّو: انت بالأوّل ما كان معك شي و هلّق صار معك شوكولا، ما تخلّي الغيرة تاخد منّك فرحتك! و الأهم و لا مرّة تزعل لشي غيرك عندو اياه! القناعة أحلى و أغلى شي بهالدني! تذكّروا شو بيقلنا الرب بالوصايا: لا تشته مقتنى غيرك... قولوا الحمدلله عا كل شي و الله معكن!
#شربل سكران بألله
