لكل يوم زوّادة:
بيخبرو عن ولد زغير بيشتغل بالصيفيّة بيساعد بقطف اللوز من البساتين تا يطلّع مصروفو. قَلّو الزلمي اللي عم يشتغل معو اذا بتساعدني اليوم و ما بتلتهي بتكسير اللوز بوقت الشغل رح عبّيلك إيديك التنين و جيابك لوز. تطلّع هالصبي بإيديه و جيابو و شافن زغار فكّر و قلّو ما رح إلتهي أبدا بس بتعبّيلي إيديك انت و جيابك انت و بتعطيني اياهن! خلّونا نتعلّم نطلب من الرب نِعَم حسب مقياسو هوّي مش حسب ما منشوف نحنا البشر بنظرتنا المحدودة الضيقة! يا رب...عطاياك لامتناهية و يداي صغيرتان...الله يرافقكن!
#شربل سكران بألله
