لكل يوم زوّادة:
بيخبرو انّو مرّة حاكم قرّر يقدّم ٤٠٠ دولار لكل شخص بيقلّو كلمة حلوة! مرّة كان ماشي عالطريق شاف فلّاح عمرو شي ٩٠ سنة عم يزرع شجرة زيتون. وقف حدّو و قلّو: هالشجرة بدّا ٢٠ سنة لتكبر و تنقطف و انت كبير بالعمر ما رح تلحقها لشو عم تزرعها!؟ جاوب الفلّاح: جدودنا زرعوا و نحنا حصدنا هلّق دورنا نزرع للّي بعدنا. عجبو ردّ الفلاح و قدّملو ال٤٠٠ دولار. ضحك الفلّاح، سألو الملك ليش عم تضحك؟ قلّو: الزيتونة بتعمل ثمر بعد ٢٠ سنة بس انا شجرتي هلّق بلّشت! عجبو ردّ الفلاح و قدّملو ال٤٠٠ دولار تانية. رجع ضحك الفلّاح و سألو الملك ليش، جاوب: الزيتونة بتثمر مرّة بالسنة بس شجرتي صارت عاملة مرتين! كمان قدّملو ٤٠٠ دولار تالتة عهالجواب و ركض يفلّ الملك! سألو جنودو ليش فالل؟ قلّن اذا بضلّ هون بعد هالختيار بيفضّي خزاين المملكة قد ما بيحكي حلو! تذكّروا انّو الخير ما بولّد الّا الخير و الله معكن!
#شربل سكران بألله
