لكل يوم زوّادة:
٤ آب ٢٠٢٠، كأنّو مبارِح...بعدنا لهلق كل ما انفتَح هالموضوع منسأل بعضنا انت وين كنت بهاللّحظة، شو سمِعت، شو شِفت، شو عمِلت... منسأَل بعضنا اذا فقَدنا حدا او انجرَحلنا حدا... صار هالنّهار جامِع الكل بيعرفو او ما بيعرفو بعضُن! هالجرح ما عم يتسكَّر و لا رح يِشفى، مش مزبوط انو الوقت بيشفِي و بينَسّي! و قد ما تأخّرِت عدالة الأرض او يمكن ما تِجي، ما في مفرّ من عدالة السما... هونيك ما بيموت و لا حق! منصلّيلك يا رب تعطي القوة لكل شخص خسِر حدا بيحبّو او انصاب او تهدَّم بيتو او شغلو و ترجَع تفوِّت الفرح عا قلوبن و عهالبلد الزغير اللّي تحمَّل و بعدو عم يتحمَّل كتير...آمين🇱🇧
#شربل سكران بألله
