ببداية الشهر المريميّ كتير ناس بتطلع عا حريصا أو بتزور مزار لإمنا مريم أو دير بإسمها أو بتعمل صمدة زغيرة للعدرا بالبيت.
لأ هالشي منّو عبادة تماثيل و صور!
أنا بس أسجد قدّام تمثال العدرا ما بكون وثني أنا مش ساجد للحجر أنا ساجد لرمزيّة هالتمثال الروحيّة و الفرق كبير!
يا عدرا ببداية هالشهر المبارك زنري لبنان بثوبك، إحمي عيالنا و ولادنا و أهلنا.
كوني حاضرة بكل لحظة بحياتنا يا رفيقة و صديقة الكل من الزغير للكبير.
تشفّعيلنا عن الرب نحنا الخاطيين تا يغمرنا برحمتو و متل ما بِطَلَب مِنِّك عِمِل يسوع أوّل عجيبة إلو بـ قانا منطلب منّك تصلّيلنا من فوق يا إمّ الكل... و الله معكن.
#شربل سكران بألله
