لكل يوم زوّادة:
بيخبرو انو مرة سألت الشمس الله: ليش اخترتني انا من بين كل النجوم و حمّلتني هالمسؤولية الكبيرة انو كون مصدر نور و حياة لسكان الأرض.
ليش ما نقّيت نجوم تانية يساعدوني يضوّو معي، كتير عم بتعب لحالي و يا ريت الناس عاجبهن! بيضلو يقولو شوب احترقنا ايمتى بدها تغيب الشمس و انا بكون عم بتعب تا اعطي اكتر ما عندي كرمالن! جاوبها الرب: اخترتِك لأنك اقرب النجوم عالأرض و اكتر شي قادرة تدفّي الناس. مع انو معك حق عا طول عندن شي ينتقدوه!
انا عطيتُن ابني الوحيد، صلبوه! مات كرمالن تا يخلّصن و كمان بقيو مش راضيين! بس انا ما زعِلت منن و رح ضل حبّن دايمًا و انا اكيد انو الحب بيربح بالآخر...
#شربل سكران بألله
