لكل يوم زوّادة:
منصلي اليوم عا نية ضحايا حوادث السير بلبنان الكتار... هالطرقات المعتمة، اللي كلها حفر و اشيا بتفاجِئ السايقين بدون اي تحذير...
منصلي يا رب عا نية كل شخص انتقل من بيناتنا بحادث سير شو ما كان سببو. هالحوادث اللي اخدِت منا كتير عيل و شباب و صبايا...
اغمرُن يا رب برحمتك الكبيرة و اعطي نعمة الصبر لأهلن و محبينّن و اغمر بحمياتك كل السايقين.
بكتاب صلوات القديسة ريتا منلاقي صلا اسمها صلاةالسائق بتقول: " أيّتها القدّيسة ريتا، يا رفيقة كلّ سائق ومسافر ووحيد، كوني عينًا ساهرة عليّ أنا المفتقر إلى عونك ومساعدتك. رافقيني في مشواري واحفظيني من كلّ أذى أو حادث قد يؤذي جسدي أو روحي. آمين.(أبانا، السلام والمجد)" الله يحمي الجميع!
#شربل سكران بألله
