لكل يوم زوّادة:
معروف عن النّمل قديش بيتّكلو عالحياة الجماعية بس كان في نملة ما بتحبّ تساعِد حدا و لا حدا يساعِدها. بيوم من الإيام هيي و عم تجمّع اكل للشّتي و تحطّن ببيتها بيجي ولد عم يلعَب بيسكّرلها مدخَل بيتها بحجار زغار و هيي وحدها ما كان فيها تزيحُن. طلبِت مساعدة النّملات التّانيين بس ما حدا ردّ عليها لأنو هيي ما ساعدتُن و لا مرة! بعدين حكيتها ملكة النمل و فهمِت انها لازم تكون سند لإخوتها النملات و انو واحد وحدو ما بيقدر يكفّي و يواجه كل شي. نحنا هيك ربنا خلقنا جماعة مؤمنة بالكنيسة و علّمنا نحبّ و نساعِد غيرنا و اكيد كل شي رح يكون احسَن! في صلا للعدرا منردّدها بتقول: "نَوِّري عُقول المَسيحيِّين، وردّي الضالّين مِنّا إلى حَظيرَة الخِراف الناطِقَة، أعني بيعَة السَيِّد المَسيحيّة الحَقيقيّة، الجامِعَة، الرسوليّة..." الله معكن
#شربل سكران بألله
