لكل يوم زوّادة:
"ليس بوسعنا أن نبقى منغلقين في الرعايا، ضمن جماعاتنا، في حين أن كثيرين ينتظرون الإنجيل!" (البابا فرنسيس)
بتذكّرنا هالجملة من قداستو باللّي قلنا اياه يسوع: اذهبوا في الأرض كلها و اعلنوا البشارة الى الخلق اجمعين. بعد في 49 يوم لعيد الميلاد، و للزمن اللّي بشّر فيه الملاك مريم و من هونيك بلّش المشوار! نشر كلمة الله من احلى الإشيا اللّي معقول تعمِلها بحياتك... تخايَل حالَك عايش بعتمة عاطول و يجي حدا يفوِّت نور عا حياتك و ميزة هالنور انو ما بينطفي! قديش حلو! يسوع نور العالم ما تبخَلوا عا حدا فيه، خبّروا الكل عنو و عن حبو و رحمتو هالإله اللي صار طفل زغير تا يزرع بكل بيت فرح و امل كبير! منوعدَك يا رب نحمل كلمتَك و ننشرها و نكون مراية لوَصاياك و تعاليمَك حتّى الناس تشوفَك فينا وين ما كنا!
#شربل سكران بألله
