لكل يوم زوّادة:
بيخبرو انو كان في زلمي فقير عندو بنت زغيرة. مرّة هالزلمي ما كفّاه معاشو حتى يجيب اكل لعيلتو قام راح عالسّوق و طلَب من الدّكان يديّنو و آخر الشهر بيردّلو اياهن بس صاحب الدكان ما قِبِل... سِمعو زلمي فقير متلو قام قدّملو كل المصاري اللّي معو. استغرَب هالرّجال و سأَلو ليش عِمِل هيك، قلّو: انا بعرِف شعور الإنسان الفقير و بس كون قادِر خفّف عن حدا هالشّعور ما رح اتأخّر!
الزوّادة اليوم بتقلّنا انو لمّا تختِبر شعور معيّن اذا كان حلو جرّب تحسّس غيرَك فيه و اذا كان بشِع جرّب قد ما بتقدِر ما تخلّي غيرَك يحسّ فيه... كون ايد الله بحياة غيرَك و ما رح تشوف الا هالإيد انمدِّت الَك بلا ما تطلُب حتّى...الله معكن
#شربل سكران بألله
