لكل يوم زوّادة:
الليلة منحتفل بواحد من اكتر الأعياد اللي إلها عادات ببيوتنا و بين كبارنا. لما تعمّد يسوع عالأرض انفتحت السما و سمع صوت عم يقول: "هذا هو ابني الحبيب الذي به سررت"، بهاليوم صار في صلة وصل بين السما و الأرض و كلنا مننطر هالليلة و منصلّي و منآمن انّو صلواتنا مسموعة و بواب السما مفتوحة... الليلة منتذكّر انّو كل شي عهالأرض فاني و وحدو يسوع المسيح الدايم... الليلة منجدّد معموديّتنا روحّيًا مع يسوع و منطلب منّو يبقى دايم دايم ببيوتنا و قلوبنا و حياتنا و تبقى بواب السما مفتوحة لنوايانا و صلواتنا و منقلّو سامحنا اذا شفت عِنّا خطايا كتير انت و عم تزورنا الليلة انت اللي جيت كرمال الخطأة و اعطينا القوّة نطلع منّن و نتجدّد معك يا من تعمّدت في ماء الأردن، عمّدنا بالروح القدس و النار... عيد غطاس مبارك للكل!
#شربل سكران بألله
