لكل يوم زوّادة:
بيخبرو عن نملة كل يوم الصبح بتضهر من بيتها حتّى تفتّش عا أكل و هيّي عارفة انّو كل ما تروح رح تتعرّض لأخطار كتيرة. يمكن يقتلها انسان أو حدا من الحيوانات أو يوقع عليها شي حجر او يمكن حتّى ترجع إيديها فاضيين و ما تلاقي أكل بس بالرغم من كل هالأفكار اللي بتمرق ببالها بتروح لأنّو هدفها تأمّن أكلها لفصل الشتي و أملها بالحياة أكبر من كل الخطر اللي عم تواجهو. نحنا نفس الشي، منعرف إنو في أخطار كتير حولنا بس ما لازم نستسلم و نتخبّى، لازم نواجه لأنّو إبن الله ما بيخاف، إبن الله بيآمن و بيتّكل عا رَبّو...مع بداية هالنهار الجديد، صَلبوا إيدكن عا وجكن و امشوا...الله معكن
#شربل سكران بألله
