لكل يوم زوّادة:
كل ام لبنانية بطلة...
هالإم اللي عاشت الحرب.
هالإم اللي خسرت ناس بتحبّن و بقيت قوية.
هالإم اللي بتضل خايفة عا ولادها عالطرقات من شي حادث سير او رصاصة طايشة...
هالإم اللي بتعتل هم ينقطع الحليب و الدوا لإبنها.
هالإم اللي بتخاف عا عيلتها من بكرا...
هالإم اللي بتودّع ولادها عالمطار لأنّن اضطرّوا يفلّوا.
هالإم اللي ما بتصلّي الها و عاطول بتطلب لعيلتها، اليوم نحنا بدنا نصلّيلك ربنا يعطيكي القوّة و يخلّيكي فوق راس عيلتك... و للأمهات اللي سبقونا عالسما منقول انتو كمان ابطال، انتو حُب انزرع عالأرض و زهّر فوق... يا يسوع انت اللي ما قبلت تزور هالأرض الّا من خلال إم، صارت مريم إم الكلّ، كون مع كل إم و احميهن...آمين
#شربل سكران بألله
