لكل يوم زوّادة:
بيخبرو عن بنت زغيرة ماشية بكنيسة مع امها. صارت تشوف عالشبابيك لوحات لقدّيسين مصنوعين من قزاز ملوّن حلوين كتير. صارت ماشية و تقرا اساميهن تحت الرسمات و تحفظ كل شي عم تشوفو. رجعت عالبيت و صارت تخبّر الكل عن القدّيسين اللي شافتن، قد ما عادت هالكلمة قام سألها خيها شو يعني "قدّيس"؟
قالتلو: القدّيس هوّي حدا حلو كتير بيعكس الضو علينا و بيلَوِّن لحظاتنا من خلال شبّاك الكنيسة! هالزغيرة قالت شو شافت و بنفس الوقت وَصَفِت القداسة بدقّة! هيّي النور اللي بيبعتلنا اياه ربنا من خلال الكنيسة... انشالله حياتكن بتزهّر حبّ و قداسة...الله معكن
#شربل سكران بألله
