لكل يوم زوّادة:
بيخبرو انو كان عمر القديسة تيريزيا الطفل يسوع ١٤ سنة لما عرفِت من الجرايِد انو انحكَم بالإعدام عا مجرم كبير اسمو برانزيني و انو ما كان عم يقبَل ابدًا يشوف ابونا قبل تنفيذ الحكم. صارت هالزغيرة تصلّي و تطلُب خلاص نفس هالمجرم اللي ما بتعرِف عنو الا اخبار جرايمو! بس ما حكمِت عليه متل باقي الناس و لا قالِت خيّ منخلَص منو و من شرُّو و لا فكّرِت انو بيستاهَل يموت بعد اللّي عملو...كانِت عم تصلّيلو هالطفلة و تطلبلو الخلاص... بعد فترة بتقرا بالجريدة خبَر بيقول انو برانزيني قبل ما يتنفّذ الحكم اخد الصليب من ايد الأبونا و باسو كأنّو اشارة من ربّنا انو استجبلها صلاتها!
يا رب، بشفاعة تريز، استجِبلنا...و اعطينا قلب متل قلبَك و قلبها رحيم و محبّ ما بيحكُم عالناس و بيعرِف يحبّ و يسامِح...الله معكن
#شربل سكران بألله
