لكل يوم زوّادة:
تعوا نتذكّر شوي سفر التكوين. لمّا ربنا خلق الإنسان خلّاه يكون عا صورتو و مثالو. (سفر التكوين الاصحاح الاول الآية ٢٦ وَقَالَ اللهُ: «نَعْمَلُ الإِنْسَانَ عَلَى صُورَتِنَا كَشَبَهِنَا...)
و لمّا الحيّة إجت تقنع حوّا تاكل التفّاحة بتعرفو شو قالتلها؟ شوفوا الحديث اللي صار: (سفر التكوين الاصحاح التالت الآية ٤ و ٥: "وأما ثمر الشجرة التي في وسط الجنّة فقال الله: لا تأكلا منه ولا تمسّاه لئلا تموتا فقالت الحيّة للمرأة : لن تموتا، بل الله عالم أنه يوم تأكلان منه تنفتح أعينكما وتكونان كالله...)
انتبهتوا وين المشكلة؟! انّو الشيطان عم يقنع الإنسان انّو هوّي قادر يقدّملو شغلة ما عندو اياها اللي هيّي انّو يكون متل الله، بوقت الرب اصلاً قدّملو هالشي لمّا خلقو و عِمْلو عا صورتو و مثالو!!
ما توقعوا بفخ الشرّير اللي حجتو اصلا ساقطة! ما تقبلوا يقنعكن بإشيا غلط، تحصّنوا بالرب و الله معكن!
#شربل سكران بألله
