لكل يوم زوّادة:
بيخبّر رسول قلب يسوع القديس توما كرولي انو كان مرشد روحي لبنت زغيرة. مرّة اجِت عم تعتِرف قالتلو انو كل ما تتناول بتشوف يسوع. حتى يتأكّد قلّها تاني مرّة بتشوفيه قوليلو بدي اطلب منك شي و اطلبي خلاص نفس. قالتلو الزغيرة: شو يعني خلاص نفس؟ قلها بكرا بتعرفي انتي بس قوليلو مرشدي قلّي هيك. بالفعل لما تناولِت البنت شافِت يسوع و خبّرتو شو انطلب منها، قلها يسوع انو كتير مبسوط من الطلب و انو لما تروح تعترِف رح يتحقّق طلبها. لما اعترفِت و خلّصت بيفوت عالكنيسة زلمي عندو سُلطة و معروف عنّو انو ملحِد. قرّب عند القديس توما و قلو: ما بعرِف كيف و ليش جيت لهون، بدي اعترف! و ركع هوي اللّي ما بحياتو حدا شافو راكع او منحني! ساعتها فهمت الزغيرة شو يعني خلاص النفوس عن طريق قلب يسوع! يا رب بقلبك المتواضع خلّصنا و خلّص كل العالم!
#شربل سكران بألله
