لكل يوم زوّادة:
ب ٨ ايار ١٨٢٨ خلق صبي بعيلة لبنانية ببقاعكفرا. اكيد الفرحة كانت كبيرة كتير بس اللي ما كانو عارفينو انو ابنن الزغير من هالضّيعة البعيدة رح يجمَع حولو ملايين الناس من لبنان و العالم. هالشّب اللّي اختار يفوت عالدّير، ربنا اخترلو الطّب من بين اختصاصات السّما! و صار يبعتو وين ما في مشكلة طبّ الأرض عجِز يحلّها و يخفّف اوجاع الناس. هوي ما بيقبَض مصاري و ما بيهمّو اذا عندك ضمان او تأمين، فاتورتو حبّ و ايمان و صلا! اليوم عيد ميلاد مار شربل! منشكرَك يا رب عن كل نعمة بعتتها بشفاعة مار شربل لأيّ انسان بهالدني! ينعاد عليك يا ختيار عنايا يا جامع قلب الطّفل و نشاط الشّباب! ❤🌹
#شربل سكران بألله
